طريقة الحمام المحشي:
تجيبي الحمام وتغسليه كويس هاتي بصلتين مفرومة وحطيها علي النار ومعاها الكبد والقوانص بتاعت الحمام وتكون متقطعة ومعاها معلقه سمنه وملح وفلفل اسود وقلبيهم وبعدين حطي الارز او الفريك المنقوع زي ما تحبي وتقلبي شويه وحطي نص مقدار الميه عشان يستوي نص سوي بس واول ما يشرب الميه ابدأي احشي الحمام واقفلي رجليه كويس واحشي الرقبه وتحت الجلد واقفلي الرقبه بخله كويس
وبعد ما تخلصي الكميه اللي عندك حطيها في حلة فيها ماء مغلي وحطي فيها بصله وورق لورا وحبهان ومستكه وملح واول ما يستوي الحمام ادهنيه سمنه وحطيه في الفرن تحت الشوايه لحد لما يبقي لونه ذهبي وبالهنا والشفا
