حطي كوبايتين دقيق وعليهم باكو بودر وذرة ملح وحطي في الخلاط كوب لبن وكوب سكر وثلاث ملاعق كاكاو ومعلقتين سمنه وشوية زيت يعني ربع كوبايه كده واضربيهم وبعدين حتفضي في كوبايه وتمليها وتحطيها في التلاجه الباقي اللي في الخلاط حطي عليه بيضتين ورشة فانيليا واضربيهم تاني وحطيهم علي الدقيق واعجنيهم بمضرب ايد ادهني الصينيه زيت ورشيها بالدقيق وحطي عليها العجينه وخلها الفرن ويكون سخن سيبيها واوعي تفتحي عليها الا ما تستوي وتشمي ريحتها خلاص استوت طفي
وبعد خمس دقايق طلعيها وقطعيها واسقيها بالصوص اللي في التلاجه كلها لحد ماتتشرب وعشان ولادك يفرحوا اكتر اعمليها في صينية الكب الكيك وممكن يخدوها المدرسه انضف واحلي من الحلويات الجاهزه وبالهنا والشفا
