طريقة كفتة الحاتي

طريقة كفتة الحاتي:

كيلو لحمة مفرومة وعليها بصلتين مبشورين ومعصورين من الميه جامد وعلقة صغيرة ملح وفلفل اسود ورشة قرفه ورشة جنزبيل وفص توم مهروس.

اعجني كل ده كويس وابدأي صبعي الكفته علي سياخ او اي حاجة مبرومه وده عشان تعمل فراغ داخلها .

وانتي بتصبعي الكفته ابقي بلي ايدك بمية البصل اللي انتي عصرتيه وده سر الحاتي بقي.

رصيها في الصينيه وحطيها في الفرن ولما تستوي وتحمر حطي فحمة صغيره علي النار لححد ما تحمر وفي نص الصينيه حطيها علي ورق فويل .

والسر هنا بقي في السرعه شوية زيت علي الفحمة السخنه وايدك التانيه فيها غطا علي قد الصينيه وغطيها بسرعها بسرعه وسيبيها شويه لحد ما الكفته تاخد ريحة الفحم .

وحيبقي عندك احلي كفته حاتي علي الفحم .

وعشان تظبطي الطعم اكتر سيبي الكفته بعد ما تصبعيها في التلاجه ساعتين وبعدين سويها وبالهنا والشفا