المكرونة من الأكلات السهلة والمحببة لكل أفراد الأسرة؛ تعالي نغير فيها وقدمها بطريقة جديدة سهلة والطعم تحفة..
المكونات:
نص كيلو مكرونة فيتوتشيني (شرايط)
اربعة كوب لبن، وعلبة قشطة
معلقتين كبار دقيق
بصلة وأربع فصوص توم
صدور فراخ مقطعة مكعبات
مشروم مقطع
نص كوب جبنه موتزاريلا
ملح وفلفل ابيض
ست معالق زبدة
بقدونس للتزين
الطريقة:
حمري فصين توم في معلقتين زبدة وانزل عليهم بالفراخ حتى تحمر ارفعيه من على النار
حمري البصل مع فصين توم في أربع معالق زبدة انزلي عليه بالمشروم وقلبي تلات دقايق
حطي الدقيق والملح والفلفل مع التقليب المستمر ثم اللبن ثم القشطه واول مايغلي انزلي بالجبنه وبعدين حطي الفراخ على الخليط
اسلقي المكرونة وصفيها واشطفيها
ضعي المكرونة في طبق التقديم وعليها الخليط وزينها بالقدونس
وبالهنا والشفا 😍😍
تعليق واحد