الجمبري البانية يحبه الكبار والصغار وخاصة سندويتش وعليه كاتشب ومايونيز؛ نقدمه لكي بطريقة سهلة والطعم تحفة…
المكونات
جمبري متقشر ومتنضف من كيس الرملة
دقيق وبقسماط او فيجيتار
معلقتين لبن وبيضة
ملح وفلفل اسود وتوم بودر وبصل بودر وبابريكا وكمون وشطة لو عايزاه سبايسي
عصير ليمون
فصين توم مفرومين
زيت للقلي
الطريقة
اغسلي االجمبري كويس وتبليه برشة ملح وكمون وليمون والتوم المهروس
اخفقي البيض واللبن وزودي عليه الدقيق والملح والكمون والشطة والفلفل الأسود والتوم والبصل البودر والبابريكا والليمون وقلبيه كويس وسبيه في الخليط عشر دقايق
ضعي البقسماط او الفيجيتار في طبق وعليه ملعقة نشا كبيرة لزوم الكرسبي
حطي الجمبري في البقسماط وغلفيه كويس ورصيه في طبق و دخليه التلاجه ربع ساعة
سخني الزيت وانزلي بالجمبري واحدة واحدة لحد ما ياخد لون طلعيه على ورق مطبخ وقدميه وبالهنا والشفا 😍😍🍤🍤🦐🦐
