الملوخية بالجمبري اكلة مميزة اسكندراني ؛لذلك نقدم لكي طريقة سهلة والطعم تحفة.. 👌👌
قشري الجمبري واوعى ترمي الرؤس بتاعته اغسليها وحطي عليه كوبيتين مايه وفلفلاية وطمطماية وبصلاية مقطعين وملح وفلفل اسود ورشة كمون وسبيهم يغلو ع النار دي احلى مرقة للملوخية يا جميل😍😍
تعالي بقى وهاتي الجمبري المتقشر شويحيه ع النار مع بصلاية وشوية زيت وانزلي عليه بعصير طماطمتين مضروب معاهم فصين توم وقرن فلفل حار جدا 🌶️🌶️ ومعلقة صغيرة ملح وكسبرة ناشفة ورشة سكر صغيرة وده السنس بتاعنا بقي🤩
تتسبك الصلصة زوديها بالمرقة بتاعت الجمبري 👆
وانزلي عليها بالملوخية المخروطة كويس وقلبي ياستي بس مش كتير (الاتسقط منك) بس كده شيلي الحله وجهزي الطشه (في الطاسه شوية زيت وفصين توم مفرومين وملعقتين صغيرين كسبرة ناشفة وحمريهم)
حطي الطشة وماتقفليش غطا الحلة اوي سبيه مفتوح شويه عشان لون الملوخية مايتغيرش ومع رز ابيض بقى وبالهنا والشفا اكله خفيفة وحلوه وفوايدها كتيييييير 😍😍
تعليق واحد