الاول نجهز العجينه:
كوبايتين دقيق وعليهم رشة ملح وفلفل اسود صغيره وشوية زعتر وشوية زيت وحطي كيس خميره في كوب ماء دافئ وعليه رشة سكر وقلبيهم وحطيهم علي الدقيق واعجنيهم كويس لحد ماتبقي العجينه متماسكة ومابتلزقش في الايد اعمليها علي شكل كورة وغطيها لمده ساعه
ابدأي بقي تجهيز الوجه :
(٢)طماطم ،(١) بصل،(٢)فلفل اخضر ،وفص توم قطعيهم وحطيهم علي النار وعليهم رشه ملح وزعتر وكمون وفلفل اسود وتوم وبصل بودر ولما الخضار يتبل شويه طفي وحطي الزيتون المقطع هاتي الصينيه وادهنيها زيت وافردي العجينه عليهاوحطي الخلطيه عليها وعشان تمط تعالي شوفي اخر خطوه في حله صغيره حطي نص كوبايه لبن وعليها معلقة دقيق وقلبيها كويس وحطيها علي النار اول ماتدفي حطي الجبنه الموتزاريلا والشيدر او التركي المبشوره وتقلبي لمدة دقيقة وبعدين غطي الوجه كله ودخليها الفرن نص ساعه وحتبقي احلي صينية بيتزا لو عايزاها بالسجق اوالبسطرمه اوالفراخ اللي انتي عايزاه سويه الاول وبعدين حطيه مع الخلطه وتقلبيه معاها وبالهنا والشفا
تعليق واحد