جيبي الكوارع واغسليها كويس وحطيها في اناء ماء مغلي شويه وصفيها من الميه كويس وبعدين حطي عليها ماء مغلي تاني وده بقي عشان تضمني ان الشوربه تكون نضيفه حطي بقي بصلتين متقطعين ومستكه وحبهان وورق لوري ورشة سكر صغيره عشان تستوي بسرعه وخلي الملح بعد ما تستوي خالص
تعالي بقي جهزي الفته:
حتقطعي العيش وتحمريه في شويه سمنه ويا سلام لوكان العيش ابيض وخفيف وتحطي معاه فص مستكه وانتي بتحمريه . الصلصه بقي بتجيبي فصين توم وتقلبيهم في شوية زيت صغيرين لما يبقي لونهم ذهبي انزلي عليها بعصير طماطمتين وشوية خل صغيرين (معلقه) والملح والفلفل الاسود وسيبيها تتسبك واول ما تتسبك زوديها مغرفة شورب.
تعالي بقي نرص الفته:
حتفضي العيش وعليه شويه من الصلصه والشوربه وبعدين الارز الابيض وعليه رشي الصلصه وماتنسيش رشة الفلفل الاسود عليها في الاخر وحطي عليها قطع الكوارع وبالهنا والشفا
