صينية الرقاق باللحمة المفرومة اكلة مميزة خصوصا في العزومات والأعياد؛ جربي بالطريقة دي سهلة والطعم تحفة…
المكونات..
نص كيلو رقاق ناشف
شوربة
معلقة صغيرة بيكينج بودر
معلقتين كبار لبن
سمنة وزيت
نص لحمة مفرومة
بصلتين كبار
فصين توم مفرومين
ملح وفلفل اسود وجوزة الطيب
الطريقة
نبدأ بالعصاج… ضعي اللحمة المفروم والبصل والتوم والملح والفلفل وجوزة الطيب على النار وقلبيها كويس ثم ضيفي نص كوب ماء وغطيها لما تتشرب زودي معلقة زيت ومعلقة سمنة وقلبيها كويس
هاتي الصينية وادهنيها سمنة وزيت وفي صينية تانية حطي الشوربة واللبن والبيكنج بودر ومعلقة سمنة
انزلي بورقة ورقة من الرقاق في الشوربة وطلعيها رصيها في الصينية وعشان تظبطي المقدار عدي الورق الأول واقسميه بالنصف
خلصي نصف الكمية وافرديه عليها العصاج ثم كرري نفس الطريقه مع الكمية التانيه وحطي معلقة سمنه على الوجه
دخلي الصينيه الفرن على نار متوسطة الي ان يحمر الوجه
طلعي الصينية من الفرن وغطيها كويس لمدة عشر دقايق
قطعيها مربعات متساوية وقدميها مع كباب حلة او ورقة لحمة في الفرن
وبالهنا والشفا😍😍
