الطرب المشوي من الأكلات المميزة وخاصة في الأعياد؛ تقدري تعمليه في البيت بطريقة سهلة والطعم تحفة 👌👌
المكونات:
منديل الخروف (بيكون الغلاف الدهني الرقيق المحيط بمعدة الخروف)
كيلو لحم مفروم
ثلاث بصلات مبشورين
١ طماطم
بقدونس
فصين توم مفرومين
ملح وفلفل اسود وجوزة الطيب ورشة قرفة صغيرة
معلقة صلصة ومعلقة خل
الطريقة:
اغسلي المنديل كويس بالماء ثم بالملح والخل ثم بالماء وقطعيه مربعات تكفى القطعة مقدار واحدة كفتة
حضري الحشو : ضعي اللحم المفروم وعليه الطماطم المبشورة والبصل المبشور واعصريه كويس من الماء واحتفظي بماية البصل، ثم ضعي البهارات والتوم المفروم وأخلطي المكونات كويس جدا
في اناء ضعي ماية البصل وعليها الخل وصلصة الطماطم وقلبيهم كويس
ابدأي صبعي الكفتة ولفيها في قطع المنديل وتكون ملفوفة كويس لانه بيكش في السوى وتدهنيه بماية البصل وتخليه الجزء الملفوف من تحت وترصيه في الصينيّة
دخلي الصينية الفرن لحد ما لونه يحمر جهزي قطعة فحم مشتعلة وضعيها في ورق فويل وسط الصينيّة وفيها بمعلقة زيت وغطيها فورا واتركيها ثلاث دقائق جهزي طبق تقديم مفروش بالقدونس ورصي على الطرب
قدميه مع المكرونة والبطاطس المحمرة
